भुसावळ – शहरातील आठवडे बाजार भागातील सिंडिकेट बँक समोरील सट्टा दुकानामध्ये सात – आठ अज्ञात इसमांनी दुकानात प्रवेश करून दुकानाचे शटर बंद करून चाकू लावून अंदाजे सत्तर हजार रुपयांची लूट केल्याचा प्रकार २१ ऑक्टोबर रोजी रात्री साडे दहा वाजेच्या सुमारास घडली.सदरील दुकान मालक हे रंगा पवार असल्याची माहिती सूत्रांकडून मिळाली.
दरम्यान गेले दोन दिवसांपूर्वी आठवडे बाजारातील ए.आर.जैन या दुकानांची कुलूप तोडण्याचा प्रयत्न शनिवार रोजी करण्यात आला होता. यासंदर्भात दुकान मालक अंजिक्य रमेश जैन यांनी बाजारपेठ पोलीस स्टेशनला धाव घेत सदरील घटनेची माहिती दिल्यानंतर ही पोलीस अधिकाऱ्यांकडून वेळेवर कारवाई करण्यात आली असती तर आज ही घटना घडली नसती.पोलीस प्रशासनाने रात्रीची गस्त वाढवण्याची मागणी नागरीकांकडून होत आहे.
