आरपीएफ, जीआरपी व शहर पोलीस ठाण्याची संयुक्त कारवाई
भुसावळ – पिंपरी चिंचवड़(पुणे) पोलीस स्टेशन हद्दीत एका संशयित इसमाविरुद्ध खुनाचा गुन्हा २ नोव्हेंबर रोजी दाखल करण्यात आलेला असून अधिकाऱ्यांना बातमीदारामार्फत गोपनीय माहिती मिळाली की,संशयित इसम हा ट्रेन क्रमांक ०११४३ डाउन फिरोजपुर जनता एक्सप्रेस ने प्रवास करीत आहे.याबाबत तात्काळ भुसावळ रेल्वे जीआरपी निरीक्षक यांना संशयितांचे फोटो व माहिती कळविली असता आर पी एफ व शहर पोलीस स्टेशनचे अधिकाऱ्यांना फलक क्रमांक सहा वर बोलावून सापळा रचून ट्रेन मधून साडेसहा वाजेच्या सुमारास जय प्रकाश सदाय (वय २१) वर्ष राहणार ग्राम पोस्ट गंगापुर,मधुबनी बिहार असे संशयितांचे नाव असून ता.३ रोजी ताब्यात घेवून आर पी एफ ठाणे भुसावळ येथील तुरुंगात ठेवण्यात आले होते.यासंदर्भात पिंपरी चिंचवड़(पुणे) पोलिसांना कळविले असता ता.४ रोजी सकाळी नऊ वाजेच्या सुमारास संशयित आरोपी सह त्यांचे दोन साथीदारांना देहू रोड पोलिसांच्या सुपूर्त करण्यात आले.
सदरील कारवाई उप निरीक्षक एन के सिंह, सहाय्यक उप निरीक्षक दीपक कव्हले व गुन्हे शोध पथक,सहाय्यक उप निरीक्षक दीपक तायडे,जीआरपी भुसावळ सहाय्यक पोलीस निरीक्षक किसन राख,दीवान सिंह राजपूत,बाबू मिर्ज़ा तसेच शहर पोलीस स्टेशनचे सहाय्यक पोलीस निरीक्षक राहुल भंडारे,एसआयपीएफ संजय पाटील सह संयुक्त पथकाने मिळून कारवाई केली.
