भुसावळ – (ऑल्विन स्वामी शहरातील द्वारका नगर, आंबेडकर हायस्कूलच्या मागील रहिवाशी रंजना यशोदे (आजी) यांच्या राहत्या घरात एका तरूण विवाहित महिलेच्या डोक्यात अज्ञात प्राणघातक शस्त्राने डोक्यावर वार केल्याची घटना ता.२९ रोजी दुपारी ४ वाजेच्या सुमारास घडल्याने परिसरात मोठी खळबळ उडाली आहे.या घटनेत सदरील महिलेचा जागीच मृत्यू झालेला आहे.
माहिती अशी की,द्वारकानगर, डॉ.आंबेडकर हायस्कुलच्या मागे त्यांच्या आजीकडे तात्पुरत्या रहिवासी म्हणून आलेल्या होत्या.ऐन विधानसभा निवडणुकीत आणि दिवाळीच्या धामधुमीत तरुण विवाहितेचा डोक्यावर अज्ञात धारदार शस्त्राने वार करून तिचा संशयास्पद मृत्यू झाल्याने भुसावळ शहरात मोठी खळबळ उडालेली आहे.
या प्रकरणी मयत महिलेचे पती अक्षय आप्पासाहेब गुंजाळ (वय 26) रा.मुंबई येथे वास्तवाला असून त्यांच्या या मयत झालेल्या पत्नीशी तिच्या आजी रंजना प्रकाश यशोदे राहणार भुसावळ यांच्या घरी वास्तव्यास असताना जोरदार कौटुंबिक वाद झाल्याची माहिती समोर आलेली आहे.भुसावळ शहर पोलीस ठाण्याचे पथक घटनास्थळी पोहचले असून घटनेचा पुढील तपास करत आहे.सदरील घटनेचा बाबत शहर पोलीस स्टेशनला गुन्हा दाखल करण्याची प्रक्रिया सुरू आहे.महिलेचा मृतदेह ग्रामीण रुग्णालय येथे आणला असून ता.३० रोजी शवविच्छेदन करण्यात येणार आहे.
