कृषी मंत्री कोकाटे यांच्याकडून सिन्नर तालुक्यात अवकाळी पावसाच्या नुकसानाची पाहणी

पावसामुळे झालेल्या नुकसानीचे पंचनामे महसूल व कृषी विभागाने तातडीने करून याचा अहवाल सादर करावा..

पोलीस वार्ता, नाशिक : जिल्ह्यातील सिन्नर तालुक्यात अवकाळी पावसामुळे झालेल्या नुकसानीची पाहणी राज्याचे कृषीमंत्री ॲड.माणिकराव कोकाटे यांनी दि.11 मे रोजी दुपारी पांढुर्ली येथे केली.

यावेळी सिन्नर तालुका तहसीलदार सुरेंद्र देशमुख, तालुका कृषी अधिकारी ज्ञानेश्वर नाथे आदी उपस्थित होते. पावसामुळे झालेल्या नुकसानीचे पंचनामे महसूल व कृषी विभागाने तातडीने करून याचा अहवाल सादर करावा, अशा सूचना मंत्री कोकाटे यांनी यावेळी दिल्या.

तसेच त्यांनी शेतकऱ्यांशी संवाद साधून प्रत्यक्ष नुकसान किती झाले हे जाणून घेण्याचा प्रयत्न केला. या पाहणी दौऱ्यावेळी शेतकरी, ग्रामस्थ, कृषी व महसूल विभागाचे अधिकारी उपस्थित होते.

✍️पोलीस वार्ता संपादक: उमेश फिरके, नाशिक, संपर्क- 9637519059