भुसावळात आदर्शआचार संहितेचा भंग !

भुसावळ –  दि-19/11/2024, भुसावळ विधानसभा मतदारसंघ क्षेत्रात काल सायंकाळी 6 वाजता विधानसभा निवडणुकीच्या प्रचाराची मुदत संपलेली असून सर्वच उमेदवारांना त्यांचे प्रचारार्थ लावण्यात आलेले बॅनर्स, पॉम्पलेट होर्डिंग्स हटवण्याचे आदेश निवडणूक निर्णय अधिकाऱ्यांनी दिलेले असून ते सर्व उमेदवारांना बंधनकारक असताना देखील आज दिनांक 19 नोव्हेंबर रोजी दुपारी २:५८ वाजेच्या दरम्यान भुसावळ शहरातून जाणाऱ्या राष्ट्रीय महामार्ग क्रमांक 53 वरील उड्डाणपुलाच्या खाली भिंतीवर भुसावळ विधानसभा मतदारसंघाचे महाविकास आघाडीचे (काँग्रेसचे) उमेदवार डॉक्टर राजेश मानवतकर यांचे बॅनर चिटकवलेले आढळून आलेले आहेत. यामुळे निवडणूकीच्या आदर्श आचारसंहितेचा भंग झालेला असून त्यासंदर्भात आता निवडणुकीच्या प्रचारावर नियुक्त करण्यात आलेले भरारी पथक आणि दक्षता पथक यांनी अजूनही उमेदवारांना त्यांनी लावलेले भिंतीवरील बॅनर्स काढण्याचे आदेश दिलेले दिसून येत नसल्यामुळे या ठिकाणी आदर्श आचारसंहितेचा भंग झालेला आहे. त्यामुळे आता या ठिकाणी विधानसभा मतदारसंघाचे निवडणूक निर्णय अधिकारी काय कार्यवाही करतात, याकडे भुसावळ शहर वासियांचे लक्ष लागून आहे.