भुसावळ -( निलेश फिरके) शहरातील गडकरी नगर भागातील प्रभाग क्रमांक १३ मध्ये सार्वजनिक बांधकाम विभाग (उत्तर) जळगांव यांच्या अंतर्गत सामाजिक विकास योजना २०२३- २०२४ योजने अंतर्गत चर्मकार समाज सभागृह नुतनीकरण करणे तसेच रस्त्याचे काँक्रीट करण्याचे लोकार्पण सोहळा नुकताच पार पडला असून रविवार १३ रोजी सभागृहाच्या नावाखाली जिवंत झाडांची कत्तल केल्याचा प्रकार घडला.
सविस्तर वृत्त असे की, विधानसभा निवडणुका काही दिवसांवर येऊन ठेपल्या आहेत.गेले पाच वर्षात कासव गतीने सुरू असलेली विकास कामांना गतीने करणाच्या प्रयत्न जोमाने सुरू आहे.विकास कामे झाल्यास येणाऱ्या विधानसभेत पुन्हा नागरीकांनी निवडून देतील या पाश्वभूमीवर लोकार्पण सोहळे सुरू आहेत. गेले काही दिवसांपूर्वी गडकरी नगर भागातील प्रभाग क्रमांक १३ मध्ये सार्वजनिक बांधकाम विभाग (उत्तर) जळगांव यांच्या अंतर्गत सामाजिक विकास योजना २०२३- २०२४ या योजने अंतर्गत चर्मकार समाज सभागृह नुतनीकरण करणे तसेच रस्त्याचे काँक्रीट करण्याचे लोकार्पण सोहळा नुकताच भुसावळ विधानसभा क्षेत्राचे आमदार संजय सावकारे यांच्या शुभहस्ते पार पडला. कार्यक्रमाचे अध्यक्षपदी रावेर लोकसभेचे खासदार रक्षा खडसे होत्या.तसेच माजी नगरसेवक व चर्मकार समाज बांधव मोठ्या संख्येने उपस्थित लोकार्पण सोहळा संपन्न झाला.
मात्र रविवार १३ ऑक्टोबर रोजी चर्मकार समाज सभागृह नुतनीकरण करणे तसेच रस्त्याचे काँक्रीट करण्याचे कामांच्या नावाखाली निंबाची असे चार झाडांची कत्तल करण्यात आली.एकीकडे प्रशासनासकडून झाडे लावण्यासाठी कोट्यवधी रुपयांचा खर्च केला जातो.तर दुसरीकडे तालुका व शहराला विकास कामांचे नावाखाली झाडे कापून बोडका बनविण्याचे काम दिवसा ढवळे कोणाचाही भय न बाळगतात सुरू आहे.पुढारी व अधिकाऱ्यांच्या संगमताने बिनधास्तपणे डेरेदार जिवंत झाडांची कत्तल केली जात आहे. एकीकडे प्रशासन झाडे लावण्याचा डंका पिटवून नागरीकांकडून कर वसूल करीत आहे. तर दुसरीकडे बाहेर गावावरून येणारे ठेकेदार शहरातील झाडांची कत्तल करीत असून प्रशासन मात्र कारवाई तर दूर कुंभकर्णी झोपेचे सोंग घेत आहे अशीच परिस्थिती कायम राहिल्यास भुसावळ शहराला वाळवंट बनण्यास वेळ लागणार नाही.शहरातील नागरीकांडून झाडांची कत्तल करणारे ठेकेदार यांच्यावर प्रशासनाने कारवाई करीत हा प्रकार थांबवण्याची मागणी होत आहे.
