वरणगाव येथे अवैध गावठी कट्टा व दोन जिवंत काडतुससह आरोपी पोलीसांच्या ताब्यात

संशयितांची अंगझडती घेतली असता त्यांच्या पॅन्टच्या कमरेला पाठीमागील बाजुस अवैध गावठी कट्टा व दोन जिवंत काडतुस, चोवीस हजार रुपये किंमतीचे मुद्देमाल मिळून आले.

पोलीस वार्ता, भुसावळ : तालुक्यातील वरणगाव पोलीस ठाण्याचे सहाय्यक पोलीस निरीक्षक जनार्दन खंडेराव साहेब यांना गुप्त बातमी मिळाली होती की, ऑडर्नन्स फॉक्टरी मेन गेट, साई मंदीरजवळ, वरणगाव येथे एक इसम नामे अमर परदेशी हा अवैध गावठी कट्टा बाळगुन दहशत निर्माण करीत आहे. त्यानुसार तात्काळ वरणगांव पोलीस ठाण्याचे पो.उप.नि. रामदास गांगुर्डे, पोलीस हवालदार यासिन पिंजारी, प्रेमचंद सपकाळे, प्रशांत ठाकुर, ईश्वर तायडे, विजय बावस्कर यांच्या पथकाला दालनात बोलावून सदर बातमीची खात्री करुन कारवाई करण्याचे आदेश दिले असता पथकाने संशयितांकडून अवैध गावठी कट्टा व दोन जिवंत काडतुस असा मुद्देमाल पोलिसांनी जप्त केला.

बातमी सविस्तर अशी की, या पथकाने सदर ठिकाणी जावून खात्री केली असता एक ईसम हा संशयीतरित्या हालचाल करीत असताना दिसला. त्यांची खात्री झाल्याने पथकाने 2 वाजून 20 मिनिटांनी छापा टाकुन त्यास जागीच पकडले. त्यास त्याचे नांव गांव विचारता त्याने त्याचे नाव अमर मधुकर कहार ऊर्फ परदेशी, वय-30 रा.चांगदेव ता.मुक्ताईनगर असे सांगितले. संशयितांची अंगझडती घेतली असता त्यांच्या पॅन्टच्या कमरेला पाठीमागील बाजुस अवैध गावठी कट्टा व दोन जिवंत काडतुस असे एकूण चोवीस हजार रुपये किंमतीचे मुद्देमाल मिळून आले. याबाबत वरणगांव पोलीस ठाण्यात गुन्हा दाखल करण्यात आला आहे.

सदरची कार्यवाही पोलीस अधिक्षक माहेश्वर रेड्डी, अप्पर पोलीस अधिक्षक अशोक नखाते, उपविभागीय पोलीस अधिकारी राजकुमार शिंदे याचे मार्गदर्शनाखाली सहा.पोलीस निरीक्षक जनार्दन खंडेराव पो.उ.प निरीक्षक रामदास गागुर्डे, पोलीस हवालदार यासिन पिंजारी, प्रेमचंद सपकाळे, प्रशांत ठाकुर, ईश्वर तायडे, विजय बावस्कर अशांनी केली आहे.

✍️पोलीस वार्ता टीम : भुसावळ