भुसावळ – शहरातील अमरनाथ नगर भागातील इसम नामे राजेश भावसार याने अल्पवयीन दहा वर्षीय पीडितेस लज्जा उत्पन्न होईल असे कृत्य केल्याने बाजारपेठ पोलीस स्टेशनला पोस्को कायद्या अंतर्गत गुन्हा दाखल करण्यात आला आहे.
माहिती अशी की,विठ्ठल मंदिर वार्डातील एल.के.पाटील यांचे दवाखान्या जवळ संशयित आरोपी राजेश रामचंद्र भावसार यांचे दुकानात फिर्यादीच्या बहिणीची पीडित युवती तिच्या आजी सोबत फोटोची काच दुरुस्तीसाठी गेली असता पीडित युवती ही अल्पवयीन असल्याचे माहिती असून संशयित आरोपीने पीडितेस गोडाऊन मध्ये नेवून लज्जा उत्पन्न होईल असे कृत्य केले ही घटना ता.१७ रोजी दुपारी तीन ते चार वाजेच्या दरम्यान घडली.या घटनेमुळे पीडित युवती आपली बदनामी होणार या भीतीपोटी आईला तीन दिवसानंतर सांगितले. सदरील घटनेची माहिती मिळताच पीडित युवतीच्या आईने बाजारपेठ पोलीस स्टेशनला संशयित इसम राजेश भावसार विरुद्ध ता.२२ रोजी गुन्हा दाखल केला.सदरील गुन्ह्याचा तपास पोउपनिरी मंगेश बोडकोळ करीत असून संशयित आरोपीस अटक करण्यात आली आहे.
