लाचखोर तलाठी एसीबीच्या जाळ्यात

जळगांव – सात – बारा उताऱ्यावर व स्लॅब रजिस्टर वर नाव लावण्यासाठी जळगाव तालुक्यातील कुसुंबा येथील तलाठी नितीन शेषराव भोई, वय ३१ वर्षे, हा तलाठी लाच लुचपत प्रतिबंधक विभागाच्या जाळ्यात अडकला. उताऱ्यावर नाव लावण्यासाठी पाच हजारांची लाच मागितली होती. या कारवाईने महसूल विभागात खळबळ उडाली आहे.

सदर तक्रारीची पंचासमक्ष लाच मागणी पडताळणी केली असता पडताळणी कारवाई दरम्यान यातील तलाठी नितीन शेषराव भोई यांनी ७ -१२ उताऱ्यावर व स्लॅब रजिस्टर वर नाव लावण्यासाठी प्रथम पाच हजार,चार हजार रुपये व तडजोडअंती तीन हजार रुपयाची लाचेची मागणी करून लाचेची रक्कम स्वीकारण्याची तयारी दर्शवली.त्यानंतर तलाठी नितीन शेषराव भोई, (वय३१वर्षे) व्यवसाय नोकरी, तलाठी,नेमणूक सजा कुसुबा जिल्ह्या जळगांव (वर्ग ३) यांना आज दि.७ जानेवारी २०२५ रोजी तीन हजार रुपये लाचेची रक्कम स्वीकारताना रांगेहाथ पकडण्यात आले असून त्यांचेवर एमआयडीसी पोलीस ठाणे येथे गुन्हा दाखल करण्याची प्रक्रिया चालू आहे.