भुसावळ – मध्य रेल्वे विभागातील अकोला रेल्वे स्थानकाच्या दक्षिण बाजूला असलेल्या बॅगेज स्कॅनर मशिनजवळ दोन संशयास्पद व्यक्ती बॅगेसह मिळून आले.दोघांना ताब्यात घेवून चौकशी केली असता त्यांच्या पिशवीमध्ये २४ किलो गांजा तीन लाख सत्तर हजार रुपयांचा जप्त करण्यात आला असून भिकू अब्राहम मंडल व जुबैल मंगा साबर असे संशयितांची नावे आहेत.
सध्या विधानसभा निवडणुकीना सुरुवात झालेली असल्याने आदर्श आचार संहिता सुरू असल्याने व निवडणुकीच्या पाश्वभूमीवर जागोजागी चेक पोस्ट उभरल्याने अवैध धंदे करणाऱ्यांना अडचणी निर्माण होत असल्याने बरेचसे व्यवसायिकांनी शक्कल लढवून रेल्वेने प्रवास करणे सोयीस्कर वाटत असल्याने प्रवास करीत आहे.मात्र रेल्वे सुरक्षा बल व लोहमार्ग पोलीस विभागाच्या सतर्कतेने ता.२६ ऑक्टोबर रोजी सुमारे पावणे आठ वाजता,एम.एस.एफ कर्मचारी आणि रेल्वे सुरक्षा बल यांना अकोला रेल्वे स्थानकाच्या दक्षिण बाजूला असलेल्या बॅगेज स्कॅनर मशिनजवळ दोन संशयास्पद व्यक्ती आढळले.त्यांना बॅगेसह ताब्यात घेतले. या दोघांकडे चौकशी केली असता त्यांनी त्यांची नावे सांगितली भिकू अब्राहम मंडल,वय २३ वर्षे, रहिवासी – अडोबा, गजपती, ओडिशा, जुबैल मंगा साबर, वय सुमारे २४,अडोबा, गजपती,ओडिशा यांना माहिती देण्यात आली. लोहमार्ग पोलिसांनी अकोला नायब तहसीलदार राहुल वसावे यांना पाचारण केले व त्यांच्या उपस्थितीत वरील बॅग दक्षिण बाजूला असलेल्या बॅग स्कॅनिंग मशिनजवळ उपस्थित असलेल्या पंचोने तपासली.पिशवीत खाकी टेपने झाकलेले १२ बंडल उघडले असता आंबट उग्रवास व बिया असलेला ओला गांजा एकूण वजन २४.७०० किलो ग्रॅम मिळून आला. सदरील गांजाची किंमत अंदाजे ३,७०,५०० रुपयांचा मिळून आला असून ता.२६ रोजी लोहमार्ग पोलीस अकोला द्वारे गुरुन क्रमांक ४०६/२०२४,यु.एस ८, २०(बी) एन.डी.पी.एस कायद्यान्वये गुन्हा दाखल करण्यात आला आहे. या प्रकरणाचा तपास जीआरपी अकोला एपीआय अर्चना गाढवे करत आहेत.
