पुणावले (ता,मुळशी) – गायकवाड नगर, पुणवले येथील रहवासी प्रसिद्ध कवि, लेखक सतीश भालेराव यांना नुकत्याच झालेल्या एका कवि संमेलनात सन्मान चिन्ह देऊन सन्मानित करण्यात आले.
१४ सप्टेंबर रोजी नवी पेठ पुणे येथील पत्रकार भवनात अभियांत्रिकी कवी संमेलनात महाराष्ट्र मधून निवडक कवी मोठया संख्येत उपस्थित होते. त्यांना प्रमुख पाहुण्याच्या हस्ते स्मृतिचिन्ह देऊन सन्मानित करण्यात आले.येथील गायकवाड नगरातील प्रसिद्ध रोझ एस्टर सोसायटी निवासी प्रसिद्ध कवी व लेखक सतीश भालेराव यांना त्यांच्या अभियांत्रिकी कविता सादरी करणाला उपस्थितांनी भरभरून दाद दिली. त्यांच्या या आगळ्या वेगळ्या कवितेची निवड होऊन त्यांचा या प्रसंगी सत्कार करण्यात आला. त्यांच्या या यशाबद्दल सोसायटीतील ज्येष्ठ नागरिक गायक केशव काळपांडे, गोविंदप्रसाद झुंजूनवाला, प्रदीप कोलगे, पत्रकार अशोक वस्तानी, निवृत्ती मोरे, विलास संघपाल, रामेश्वर गिरे, रोहिदास कुटे, मेहता, वैद्य, प्रा. मोरे, विलास राठोड, निळकंठ स्वामी व विनायक हुगेवार यांनी अभिनंदन करून त्यांचा सत्कार करण्यात आला.
प्रतिनिधी – अशोक वस्तानी
