एस.सोमनाथ यांचा कार्यकाळ संपला, व्ही.नारायणन इसरोचे नवे प्रमुख!

पोलीस वार्ता, नवी दिल्ली: भारतीय अंतराळ संशोधन संस्था इसरोचे (ISRO) नवे अध्यक्ष म्हणून ज्येष्ठ अवकाश शास्त्रज्ञ व्ही.नारायणन यांची नियुक्ती करण्यात आली आहे. 14 जानेवारी रोजी सध्याचे अध्यक्ष एस.सोमनाथ यांच्या जागी व्ही.नारायणन पदभार स्वीकारतील. एस.सोमनाथ यांनी 14 जानेवारी 2022 रोजी इस्रोचे/इसरो अध्यक्षपद स्वीकारले होते. आता ते त्यांच्या दोन वर्षांच्या कार्यकाळानंतर निवृत्त होणार आहेत. त्यांच्या कार्यकाळात इस्रोने अनेक महत्त्वाच्या मोहिमा यशस्वीपणे पार पाडल्या.

7 जानेवारी 2025 रोजी मंत्रिमंडळाच्या नियुक्ती समितीने जारी केलेल्या अधिकृत आदेशानुसार, व्ही.नारायणन यांची भारतीय अंतराळ संशोधन संस्था (ISRO) चे नवीन अध्यक्ष म्हणून नियुक्ती करण्यात आली आहे. ते दोन वर्षांच्या कालावधीसाठी हे पद सांभाळतील. सध्या नारायणन वालियामाला येथे लिक्विड प्रोपल्शन सिस्टम सेंटर (LPSC) चे संचालक म्हणून कार्यरत आहेत.

नारायणन यांच्या गौरवशाली कारकिर्दीत, आदित्य अंतराळयान आणि GSLV MK-III मोहिमेसारख्या प्रमुख इस्रो प्रकल्पांमध्ये त्यांचे योगदान अत्यंत महत्त्वाचे आहे. त्यांचे कौशल्य आणि कर्तृत्व अनेक प्रतिष्ठित पुरस्कारांनी ओळखले गेले आहे, ज्यात ॲस्ट्रोनॉटिकल सोसायटी ऑफ इंडियाचा SRI पुरस्कार आणि IIT खरगपूरचा प्रतिष्ठित माजी विद्यार्थी पुरस्कार यांचा समावेश आहे.

✍️पोलीस वार्ता संपादक: उमेश फिरके, नाशिक, संपर्क- 9637519059