भुसावळ – तालुक्यातील दिपनगर वीजनिर्मिती प्रकल्पातील बिल्डिंग बांधकामाचे फोटो व व्हिडीओ शुटींग व्हायरल करण्याची तसेच स्थानिक न्युज चॅनल यांच्याकडेस सदरचे फोटो व व्हिडीओ शुटींग देवून कंपनीची बदनामी थांबविण्याच्या मोबदल्यात २० लाख रुपयांची खंडणी मागणी मागितल्या प्रकरणी एका व्यक्ती विरोधात भुसावळ तालुका पोलिस ठाण्यात गुन्हा दाखल करण्यात आलेला आहे.
दरम्यान, याबाबत सविस्तर वृत्त असे की,ता.५ फेब्रुवारी २०२५ रोजी दुपारी साडे अकरा ते ता.१३ मार्च २०२५ रोजी दहा वाजून आडोतीस मिनिटांचे दरम्यान भुसावळ औष्णिक विदयुत प्रकल्प दिपनगर येथे योगेश तळेले रा. फेकरी ता.भुसावळ याने बिल्डिंग बांधकामाचे फोटो व व्हिडीओ शुटींग व्हायरल करण्याची तसेच स्थानिक न्युज चॅनल यांच्याकडेस सदरचे फोटो व व्हिडीओ शुटींग देवून कंपनीची बदनामीची धमकी दिल्याप्रकरणी फिर्यादी आणि त्यांचा सहकारी तसलिम अकबर पटेल रा. भुसावळ यांना धमकी देवून वेळोवेळी त्या बदल्यात २० लाख रुपयांची मागणी करुन अवैध प्रकारे खंडणी मागितली, म्हणून योगेश तळेले रा. फेकरी ता भुसावळ (पुर्ण नाव माहीत नाही) याचे विरुध्द कायदेशीर तक्रार दाखल करण्यात आली होती.सोबत योगेश तळेले याच्या सोबत झालेल्या संभाषणाची कॉल रेकॉर्डींगचा पेन ड्राईव्ह यासोबत जोडून सादर करण्यात आला आहे. याप्रकरणी फिर्यादी मोहन रामदास भावसार,वय ५८ वर्ष, व्यवसाय खाजगी नोकरी, रा.ब्लॉक नं. बी-६, अमेय अपार्टमेंट,यावल रोड, तापीनगर,भुसावळ यांच्या फिर्यादीवरून भुसावळ तालुका पोलिस ठाण्यात सदरील संशयिता विरोधात खंडणीचा गुन्हा दाखल करण्यात आला आहे.
