भुसावळ तहसील कार्यालयापासून १०० मीटर अंतराच्या आत फटाके उडवण्यास सक्त मनाई

भुसावळ – महाराष्ट राज्याची सार्वत्रिक विधानसभा निवडणूक 2024 जाहिर झालेली असून जळगाव जिल्ह्यातील सर्व मतदारसंघाकरीता वापरावयाच्या ई.व्ही.एम. मशीन शासकीय धान्य गोदाम, तहसील कार्यालय, भुसावळ गांधी पुतळ्याजवळ जळगाव रोड भुसावळ या ठिकाणी स्ट्रॉंगरूम मध्ये ठेवण्यात आलेल्या आहेत. त्यामुळे सदरील ठिकाणी दिवाळीत उडविल्या जाणारे विविध फटाके, रॉकेट्स इ. तत्सम बाबीमुळे गोदामास आग लागण्याची शक्यता नाकारता येत नाही. त्यामुळे निवडणूकीच्या अतिशय संवेदनशील कामात व्यत्यय निर्माण होऊ शकतो.
त्याअर्थी, शासकीय धान्य गोदाम, तहसील कार्यालय, भुसावळ गांधी पुतळ्याजवळ, जळगाव रोड, भुसावळ पासुन 100 मी. अंतराच्या आत दिवाळीत उडविल्या जाणारे विविध फटाके, रॉकेट्स इ. तत्सम बाबी करण्यास प्रतिबंध घालण्यासाठी प्रतिबंधात्मक आदेश जारी करणे हिताचे असून भुसावळचे उपविभागीय अधिकारी जितेंद्र पाटील यांनी भारतीय नागरीक सुरक्षा संहिता 2023 चे कलम 163 अन्वये त्यांना प्रदान केलेल्या अधिकाराचा वापर करुन शासकीय धान्य गोदाम, तहसील कार्यालय,महात्मा गांधी पुतळ्याजवळ, जळगाव रोड, भुसावळ पासुन 100 मी. अंतराच्या आत दिवाळीत उडविल्या जाणारे विविध फटाके, रॉकेट्स इ. तत्सम बाबी याकरीता खबरदारीचे उपाय म्हणुन दिनांक 28/10/2024 रोजी रात्री 12.00 वाजेपासुन पुढील आदेशपावेतो भारतीय नागरीक सुरक्षा संहिता 2023 चे कलम 163 अन्वये शासकीय धान्य गोदाम, तहसील कार्यालय, भुसावळ गांधी पुतळ्याजवळ, जळगाव रोड, भुसावळ पासुन 100 मी. अंतराच्या आत फटाके, रॉकेट्स इ. तत्सम बाबी करिता मज्जाव करण्यात येत आहे. घटनेचे गांर्भीय लक्षात घेता, कोणासही म्हणणे मांडण्याची पुरेशी संधी देणे शक्य नसल्याने भारतीय नागरीक सुरक्षा संहिता 2023 चे कलम 163 अन्वये सदर आदेश लागू करणेत येत आहे. सदर आदेश दि 28/10/2024 रोजी पारीत करण्यात आला आहे.