भुसावळ – शहरातील बाजारपेठ पोलीस स्टेशन हद्दीत सार्वजनिक ठिकाणी उघड्यावर दारू पिणाऱ्या व्यक्तींविरोधात बाजारपेठ पोलिसांनी धडक कारवाई सुरू केली आहे. पोलीस अधीक्षक श्रीकांत धिवरे, अपर पोलीस अधीक्षक संदीप गावित तसेच उपविभागीय पोलीस अधिकारी केदार बारबोले यांच्या मार्गदर्शनाखाली पोलीस निरीक्षक राहुल वाघ यांच्या नेतृत्वात ही कारवाई करण्यात आली.
डी.बी. पथकातील विजय नेरकर, कांतीलाल केदारे, चंद्रकांत रायपूरकर, भुषण चौधरी, प्रशांत सोनार, अमर आढाळे, दिलीप कोल्हे, अक्षय कोतकर, महेंद्रसिंग पाटील, जावेद शाह, सोपान पाटील, जीवन कापडे व पंकज तायडे यांनी संयुक्तपणे ही मोहीम राबवत उघड्यावर दारू पिणाऱ्यांना ताब्यात घेतले. संबंधितांविरुद्ध कायदेशीर कारवाई सुरू असल्याची माहिती पोलिसांनी दिली.
