ओला कंपनीच्या इलेक्ट्रिक दुचाकीला अचानक आग

भुसावळ- ओला कंपनीच्या इलेक्ट्रिक दुचाकीला अचानक आग लागल्याने दुचाकी वरील प्रवास करणाऱ्या दोन महिला थोडक्यात बचावल्याची घटना खडका चौफुली जवळ  सकाळी ११ वाजेच्या सुमारास राष्ट्रीय महामार्गावर घडली होती. सदरील ओला दुचाकीचा गाडी क्रमांक एम.एच. 19 ई.जे.4903 असा असून ती जागृती गरुड यांच्या मालकीची आहे. त्या आणि त्यांची मुलगी या महामार्गावरून प्रवास करताना सदरील घटना घडलेली आहे.यामुळे ओला इलेक्ट्रिक दुचाकीला अचानक आग लागण्याचा मुद्दा पुन्हा एकदा ऐरणीवर आलेला आहे. यामुळे ओला इलेक्ट्रिक दुचाकी खरेदी करणाऱ्यांमध्ये खळबळ उडालेली आहे. सदरील दुचाकी मालक यांनी संबंधित कंपनीकडे अचानक आग लागून गाडीचे नुकसान झाल्याची तक्रार केली असून याबाबतची नुकसान भरपाई मिळण्याची मागणी ही केलेली आहे.
याबाबत घटनास्थळी उपस्थित असणारे काही मोटार गॅरेज मधील मेकॅनिक तरुण यांनी इलेक्ट्रिक दुचाकीला या ठिकाणी तिसऱ्यांदा आग लागलेली असून त्यांनीच तीनही वेळा आग विझवल्याचे सांगितलेले आहे.