मारेगाव पोलीस ठाण्याचे पोनि उमेश बेसरकर यांचे वयाच्या 45 व्या वर्षी हृदयविकाराने निधन!

बेसरकर यांच्या अचानक झालेल्या निधनामुळे संपूर्ण यवतमाळ पोलीस दलासह स्थानिक नागरिकांकडून हळहळ व्यक्त केली जात आहे..

पोलीस वार्ता, वणी : तालुक्यातील मारेगाव पोलीस ठाण्यातील कार्यरत वरिष्ठ पोलीस निरीक्षक उमेश बेसरकर यांचे आज दि.23 ऑगस्ट 2025, शनिवार रोजी वयाच्या 45 व्या वर्षी हृदयविकाराच्या झटक्याने दुःखद निधन झाले. बेसरकर यांच्या अचानक झालेल्या निधनामुळे संपूर्ण यवतमाळ पोलीस दलासह स्थानिक नागरिकांकडून हळहळ व्यक्त केली जात आहे.

आज सकाळी सुमारे 10 वाजेच्या सुमारास उमेश बेसरकर यांच्या छातीत दाटून आले होते त्यानंतर त्यांना वणी येथील एका रुग्णालयात उपचारासाठी नेले असता डॉक्टरांनी त्यांना तपासून त्यांची प्राणज्योत मावळ्याचे सांगितले. त्यांच्या अचानक जाण्याने कुटुंबावर दुःखाचा डोंगर कोसळला असून बेसरकर यांच्या पश्चात त्यांची पत्नी, मुले असा परिवार आहे.

गेल्या वर्षीच पुसद येथून बदली होऊन पोनि उमेश बेसरकर हे मारेगाव पोलीस ठाण्यात रुजू झाले होते. शांत आणि मनमिळावू स्वभावामुळे ते सर्वांच्या मनात स्थान मिळवू शकले. त्याचबरोबर कायदा व सुव्यवस्था राखण्यासाठी ते सदैव सक्त आणि तत्पर होते. त्यांच्या निधनाची बातमी मारेगावसह संपूर्ण यवतमाळ जिल्ह्यात पसरली आहे. अनेक सामाजिक, राजकीय क्षेत्रातील मान्यवरांनी बेसरकर कुटुंबीयांच्या दुःखात सहभागी होत श्रद्धांजली वाहिली आहे.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532