भुसावळ : फसवणुकीच्या प्रकरणात तक्रारदाराला त्याचे एक लाख रुपये परत मिळवून देण्यासाठी प्रयत्न केल्याबद्दल डीबी पथकातील कर्मचारी चंद्रकांत रायपूरकर यांचा तक्रारदार सलीम हबीब पटेल यांनी पोलिस ठाण्यात सत्कार करून आभार मानले.
काझी प्लॉट परिसरातील रहिवासी सलीम हबीब पटेल यांची फसवणूक झाल्यानंतर त्यांनी पोलिसांकडे धाव घेतली होती. यावेळी डीबी कर्मचारी चंद्रकांत रायपूरकर यांनी तक्रारदारासोबत जाऊन संपूर्ण हकीकत जाणून घेतली. त्यानंतर प्रकरणाचा पाठपुरावा करून संबंधितांकडून तक्रारदाराचे एक लाख रुपये परत मिळवून देण्यासाठी प्रयत्न केले.
रक्कम परत मिळाल्यानंतर सलीम हबीब पटेल यांनी पोलिस ठाण्यात उपस्थित राहून पोलिस निरीक्षक राहुल वाघ यांच्या समक्ष चंद्रकांत रायपूरकर यांचा सत्कार केला. तसेच त्यांनी केलेल्या सहकार्याबद्दल रायपूरकर यांचे आभार मानले.
पोलिस कर्मचाऱ्याने तक्रारदाराची व्यथा जाणून घेत तत्परतेने केलेल्या पाठपुराव्यामुळे रक्कम परत मिळाल्याने तक्रारदाराने समाधान व्यक्त केले.
