नाशिकमध्ये 27 फेब्रुवारीपासून चौथ्या विश्व मराठी संमेलनाला सुरुवात, विविध कार्यक्रमांचे आयोजन!

संमेलनात सहभागी होण्यासाठी संयोजकांनी इच्छुकांसाठी ऑनलाइन लिंक उपलब्ध करून दिली असून त्यावर नाव नोंदणी करावी..

पोलीस वार्ता, नाशिक : नाशिकमधील मराठा विद्याप्रसारक समाज संस्थेच्या केटीएचएम महाविद्यालयाच्या प्रांगणात चौथे विश्व मराठी संमेलन आयोजित केले गेले आहे. हे संमेलन दि.27 व 28 फेब्रुवारी ते 1 मार्च 2026 या कालावधीत संपन्न होणार आहे. संमेलनात सहभागी होण्यासाठी संयोजकांनी इच्छुकांसाठी ऑनलाइन लिंक उपलब्ध करून दिली असून त्यावर नाव नोंदणीसाठी उत्स्फूर्त प्रतिसाद मिळत आहे.

या 2026 च्या चौथ्या विश्व मराठी संमेलनानिमित्त विविध कार्यक्रमांचे आयोजन करण्यात आले आहे. संमेलन स्थळी कवीवर्य कुसुमाग्रज नगरीत विविध मंच उभारण्यात आले आहेत. या पार्श्वभूमीवर मराठी भाषा विभागाने देश- विदेशातून येणाऱ्या मराठी भाषिक प्रेमींना नाव नोंदणीसाठी 👉ऑनलाइन लिंक : https://vishwamarathisammelan.com उपलब्ध करून दिली आहे. या लिंकवर जाऊन नाव नोंदणी करू शकतात. जास्तीत जास्त नागरिकांनी नाव नोंदणी करावे असे आवाहन संमेलनाच्या संयोजकांकडून केले गेले आहे.