भुसावळ – शहरातील आठवडे बाजार भागातील सिंडिकेट बँक समोरील सट्टा दुकानामध्ये सात – आठ अज्ञात इसमांनी दुकानात प्रवेश केला व दुकानाचे शटर बंद करून चाकू लावून अंदाजे सत्तर हजार रुपयांची लूट केल्याचा प्रकार २१ ऑक्टोबर रोजी रात्री साडे दहा वाजेच्या सुमारास घडला होता.या घटनेतील सट्टा दुकान लुटणारे संशयितांना वाल्मिक नगर भागातून ताब्यात घेण्यात आले असून बाजारपेठ पोलिसांकडून कसून चौकशी सुरू आहे. अद्यापावतो संशयितां विरुद्ध पोलीस स्टेशनला गुन्हा दाखल करण्यात आलेला नाही.
सट्टा किंग च्या माध्यमातून अंदाजे सत्तर हजार रुपयांची लुटमारीचे प्रकरण बारा हजार रुपयांत तडजोड करण्यात प्रयत्न करण्यात आला मात्र “पोलीस वार्ता ” ने सदरील प्रकरण पोलीस प्रशासनाच्या निर्देशनास आणून दिल्याने वरिष्ठ अधिकारी व पोलीस निरीक्षक यांच्या आदेशावरून गुन्हे शोध पथकातील कर्मचाऱ्यांनी सट्टा दुकानात प्रवेश करून चाकू लावून अंदाजे सत्तर हजार रुपयांची लूट करणारे संशयितांना ताब्यात घेऊन बाजारपेठ पोलीस स्टेशनला जमा करण्यात आले आहे.
आठवडे बाजारात व्यापाऱ्यांमध्ये भीतीचे वातावरण …..
भुसावळातील आठवडे बाजार भागात अनेक व्यापाऱ्यांची दुकाने आहेत तसेच फळ विक्रेत्यांची सुद्धा दुकाने आहेत.गेले दोन दिवसांपूर्वी आठवडे बाजारातील ए.आर.जैन या दुकानांचे कुलूप तोडण्याचा डाव फसल्याने दुसऱ्या दिवशी सट्टा दुकांदारावर संशयितांनी दिवाळी साजरी करीत अंदाजे सत्तर हजार रुपये लांबविले..या झालेल्या घटनेमुळे व्यापाऱ्यांनामध्ये व परिसरातील नागरिकांमध्ये भीतीचे वातावरण पसरले आहे.पोलीस प्रशासनाने या भागात रात्रीची पोलीस गस्त वाढवण्याची मागणी व्यापारी व परिसरातील नागरीकांकडून होत आहे.
