जोरदार शक्तिप्रदर्शन करीत केदानाना आहेर यांनी चांदवड मार्केट कमिटी मधून प्रांत कार्यालय येथे जाऊन आपला विधानसभा निवडणुकीसाठी अपक्ष फॉर्म भरला.
पोलीस वार्ता, चांदवड | देवळा या विधानसभा मतदारसंघात यंदा 2024 ची निवडणूक अतिशय चुरशीची होईल असे चित्र दिसत असून फॉर्म भरण्याच्या अखेरच्या दिवशी जोरदार शक्तिप्रदर्शन करीत केदानाना आहेर यांनी चांदवड मार्केट कमिटी मधून प्रांत कार्यालय येथे जाऊन आपला विधानसभा निवडणुकीसाठी अपक्ष फॉर्म भरला. आतापर्यंत भूमिका स्पष्ट न केलेले माजी आमदार श्री.उत्तम बाबा भालेराव तसेच चांदवड देवळा विकास आघाडीचे नेते यांनी या दिवशी जाहीरपणे केदानाना आहेर यांना पाठिंबा दिल्याने नानांचे पारडे जड झाले अशी चर्चा सभेत आलेल्यांमध्ये दिसून आली. चांदवड तालुक्यात भाजप मधील काही माजी पदाधिकारी तसेच सरपंच व इतर महत्वाचे नेते यांच्या जवळचे कार्यकर्ते केदानाना यांच्या फॉर्म भरण्याच्या दिवशी त्यांच्या सोबत उपस्थित असल्याने चौरंगी लढत चुरशीची होणार हे मात्र नक्की.!
