काँग्रेसचे भिवंडी तालुकाध्यक्ष विजय पाटील यांचा अजित पवारांच्या राष्ट्रवादीत प्रवेश!

राज्याचे उपमुख्यमंत्री अजित पवार यांच्या नेतृत्वावर विश्वास ठेवून राष्ट्रवादी काँग्रेसमध्ये प्रवेश केला..

पोलीस वार्ता, ठाणे : ठाणे जिल्ह्यातील काँग्रेस नेत्यांची राष्ट्रवादी काँग्रेस पक्षात इन्कमिंग, मुरबाड, भिवंडी, शहापूर, कल्याण, अंबरनाथ व उल्हासनगर तालुक्यातील अनेकांचा पक्ष प्रवेश झाला.

तसेच तालुका भिवंडी काँग्रेसध्यक्ष विजय बाळाराम पाटील, जिल्हा उपाध्यक्ष प्रभाकर शेळके, तालुका उपाध्यक्ष सचिन कुंभार यांच्यासह अनेकांनी आज राज्याचे उपमुख्यमंत्री अजित पवार यांच्या नेतृत्वावर विश्वास ठेवून राष्ट्रवादी काँग्रेसमध्ये प्रवेश केला.

उपमुख्यमंत्री अजित पवार गटाचे राष्ट्रवादीचे प्रदेशाध्यक्ष खासदार सुनील तटकरे तसेच प्रमोद हिंदुराव, राष्ट्रवादी युवक काँग्रेसचे सुरज चव्हाण यांच्या उपस्थितीत हा पक्षप्रवेश कार्यक्रम झाला.

यावेळी बोलताना विजय पाटील म्हणाले की काँग्रेस पक्षाकडून काम करणाऱ्या कार्यकर्त्याचा मानसन्मान ठेवला जात नाही. नेतेमंडळी कार्यकर्त्यांना भेटत नाही. त्यांच्या अडीअडचणी ऐकत नाही. पक्षाकडून कुठलेही सहकार्य मिळत नाही. त्यामुळे मी पक्ष सोडला आहे. भविष्यात देखील काँग्रेसचे परिस्थिती आहे त्या पेक्षा आणखीन वाईट होणार आहे. याला जबाबदार पक्षाचे नेतेच असतील.

✍️पोलीस वार्ता प्रतिनिधी: दिनेश पाटील, ठाणे, संपर्क: 8097983334