महिलेच्या तक्रारीवरून पंचवटी पोलीस ठाण्यात चार अज्ञातांविरूध्द गुन्हा दाखल करण्यात आला होता..
पोलीस वार्ता, नाशिक : रंगपंचमी दिवशी म्हणजे दि.8 मार्च 2026 रोजी गर्दीचा फायदा घेवून एका महिलेची काही टवाळखोरांनी छेड काढली होती. यावरून महिलेले दिलेल्या माहितीनुसार शहरातील पंचवटी पोलीस ठाण्यात 4 अनोळखी इसमांविरूध्द गुरनं- 135/2026 भा.न्या.सं. कलम 74, 115(2), 352, 351(2), 3(5) प्रमाणे गुन्हा दाखल करण्यात आला होता. गुन्हा संवेदनशील असल्याने, नाशिक शहर पोलीस आयुक्त मा.कर्णिक साहेब यांनी आरोपींचा शोध घेऊन कारवाई करण्याचे आदेश दिले होते.
त्यानुसार गुन्हा दाखल होताच त्याचा तपास करत असतांना शहर गुन्हे शाखा युनिट-1 च्या पोह.महेश साळुंके व पोअं.मुक्तार शेख यांनी दोन तासाच्या आत आरोपींची नावे निष्पन्न करून खबऱ्यांकडून माहिती मिळवली की, आरोपी हे तपोवन, आडगाव परिसरात येणार आहे, ही माहिती शहर गुन्हे शाखा युनिट-1 चे वपोनि. डॉ.अंचल मुदगल यांना दिली असता त्यांनी बातमीची खात्री करून कायदेशीर कारवाई करण्याचे आदेश दिले. त्यांच्या मार्गदर्शनात श्रेणी पोउनि. किरण शिरसाठ, सपोउनि. कैलास चव्हाण, पोह. महेश साळुंके, प्रदीप म्हसदे, प्रविण वाघमारे, विशाल काठे, विशाल देवरे, नाझीम पठाण, पोअं. गोरक्ष साबळे, मुक्तार शेख, आप्पा पानवळ यांचे पथक तयार करून त्यांना तपोवन परिसरात आरोपींचा शोध घेण्यास पाठवले.
त्यावेळी पोलीस पथक शोध घेत असताना, तपोवन पंपीग स्टेशन परीसरात जाणाऱ्या मधल्या रोडवर सर्व आरोपी दिसताच त्यांना ताब्यात घेण्यात आले. त्याची माहिती घेतली असता त्यांची नावे 1) सतिश लक्ष्मण वाघमारे (वय-20), रा- आम्रपाली झोपडपटी, उपनगर, नाशिक रोड 2) तुषार बाळु साळवे (वय-19), रा- रूक्मणी नगर, हनुमान नगर जवळ, लोखंडे मळा, जेलरोड, नाशिक रोड 3) ओम कुष्णा भांगरे (वय-21), रा- मु.काहांडोळ पाडा, पो. भुवन, ता. पेठ, जि नाशिक, अशी असल्याचे त्यांच्याकडून समजले. रंगपंचमीच्या दिवशी केलेल्या गुन्ह्याची त्यांना विचारणा केली असता त्यांनी गुन्हा केल्याची कबुली दिली. त्यामुळे सर्व आरोपींना पुढील कार्यवाहीसाठी पंचवटी पोलीस ठाण्याच्या ताब्यात दिले आहे.
