तू तुझ्या माहेरून एक लाख रु. आम्हाला आणून दे असा तगादा लावला, पोटी मुलगी जन्माला आल्याने मुलीबाबत द्वेष, सुनेच्या चारित्र्यावर संशय..
पोलीस वार्ता, मारेगाव : माहेरून सतत पैसे आणण्याचा तगादा आणि त्यातून होणार मानसिक, शारीरिक त्रास एवढेच नाही तर जेवणात फिनाईल द्रव्य मिसळवून जीव ठार मारण्याचा प्रयत्न करणाऱ्या, सासरच्या सहा जणांविरोधात मारेगाव पोलीस ठाण्यात तक्रार दाखल झाली असून पती, सासू, सासरे व 3 नणंद अश्या सर्वांवर गून्हा दाखल करण्यात आला आहे.
मिळालेली माहिती अशी की, मारेगाव तालुक्यातील गोंडबुरांडा येथे राहणाऱ्या संजना यांचा विवाह फेब्रुवारी 2022 मध्ये मारेगाव येथील सतीश श्रीधर सिडाम यांच्याशी झाला होता.
हा विवाह आंतरजातीय विवाह होता, सुरुवातीचे काही दिवस गेल्यानंतर सासरच्या लोकांनी जातीचा विषय रंगवला, आम्हाला सून आमच्या जातीची न मिळाल्याने हुंडा नाही मिळाला. याकारणें आता तू तुझ्या माहेरून एक लाख रु. आम्हाला आणून दे असा तगादा लावला,
पोटी मुलगी जन्माला आल्याने मुलीबाबत द्वेष, सुनेच्या चारित्र्यावर संशय, घरातून हाकलून देण्याचा धमक्या व होणारी मारहाण, शेवटी येवढे सहन करून पण जेवणात फिनाईल द्रव्य टाकून जीवे मारण्याचा प्रयत्न करण्यात आला. ‘तू हिला तलवारीने मारून टाक, मी पाहून घेतो’ असे सासरा श्रीधर सिडाम कडून मुलगा सतीश यास साथ दिली जात होती.
