जन्मोत्सव आणि रामनवमी उत्सव सोहळा दि.30 मार्च ते 6 एप्रिल 2025 दरम्यान म्हणजे गुढीपाडवा ते रामनवमी असा आठ दिवस साजरा करण्यात येणार..
पोलीस वार्ता, वणी : यवतमाळ जिल्ह्यातील वणी तालुक्यात असलेल्या श्रीक्षेत्र भांदेवाडा येथील ब-वर्ग तीर्थक्षेत्र ‘विदेही सद्गुरु जगन्नाथ बाबा’ संस्थानात सद्गुरु जगन्नाथ बाबा यांचा जन्मोत्सव आणि रामनवमी उत्सव सोहळा दि.30 मार्च ते 6 एप्रिल 2025 दरम्यान म्हणजे गुढीपाडवा ते रामनवमी असा आठ दिवस साजरा करण्यात येणार असल्याचे देवस्थान कमिटीच्या वतीने कळविण्यात आले आहे.
कार्यक्रमांचे नियोजन पुढील प्रमाणे असेल, नित्य संगीतमय श्रीमद् भागवत विदेही सद्गुरु जगन्नाथ बाबा कथा सप्ताह हभप प्रशांत महाराज भोयर यांच्या वाणीतून होणार आहे. दि. 30 मार्च गुढीपाडव्याच्या दिवशी सकाळी 9 वाजता वसंतराव झोलबाजी धानोरकर यांच्या हस्ते घटस्थापना व गुढी उभारण्यात येणार आहे. सकाळी काकड आरतीसह भागवत कथा तसेच सायंकाळी हरिपाठ आणि त्यानंतर कीर्तन भजन व इतर कार्यक्रम होणार आहे. रामनवमीच्या अगोदरच्या दिवशी येणाऱ्या भाविकांच्या पूजा तसे सायंकाळी हभप सुरेश महाराज तरवटकर यांचे कीर्तन, रामनवमी दिवशी सकाळी सद्गुरु जगन्नाथ बाबा यांचा पालखी सोहळा आणि पूजा, दु.12 वाजता सद्गुरु जगन्नाथ बाबा जन्मोत्सव सोहळा, काल्याचे किर्तन दहीहंडी व आरती करण्यात येणार आहे.
