भगूर नगरपरिषदेच्या विकासकामाचे आमदार सरोज अहिरे व नगराध्यक्षा प्रेरणा बलकवडे यांच्या हस्ते भूमिपूजन!

उद्यान येत्या तीन महिन्यांत पूर्ण करण्याचा मानस असून काम उत्तम दर्जाचे करण्यासाठी पुण्यातील एजन्सीला काम देण्यात आले आहे..

पोलीस वार्ता, देवळाली : भगूर येथे ‘नमो उद्यान’ कामाचे भूमिपूजन शुक्रवारी दि.20 मार्च रोजी करण्यात आले. देवळालीच्या आमदार सरोज अहिरे व भगूर नगराध्यक्षा प्रेरणा बलकवडे यांच्यासह स्थानिक नगरसेवकांच्या हस्ते दिवंगत मा.उपमुख्यमंत्री अजित पवार यांच्या प्रतीमेस अभिवादन करून उद्याच्या कामाला कुदळ मारून भूमिपूजन कार्यक्रम संपन्न झाला.

‘नमो उद्यान’ उभारण्यासाठी एक कोटी साठ लाख रुपये खर्च येणार आहे. तसेच सव्वा एकर जागेवर हे उद्यान साकारण्यात येणार असल्याची माहिती नगराध्यक्षा सौ.प्रेरणा बलकवडे यांनी यावेळी दिली. हे उद्यान येत्या तीन महिन्यांत पूर्ण करण्याचा मानस असून काम उत्तम दर्जाचे करण्यासाठी पुण्यातील एजन्सीला काम देण्यात आले आहे.

हे काम सर्व स्थानिक नगरसेवकांना सोबत घेऊन पूर्ण करण्याचे तसेच लवकरच भगूरच्या जनतेसाठी आगामी एसटिपी प्लान, बौद्ध विहार, गावातील अंतर्गत रस्ते, स्वातंत्र्य वीर सावरकर उद्यान आणि स्वा.वीर सावरकर यांच्या नावे कमान उभारणी अश्या अनेक विकासकामांची सुरुवात करण्यात येणार असल्याची माहिती यावेळी देण्यात आली.

या कार्यक्रम प्रसंगी भगुर नगरपरिषदचे मुख्याधिकारी सचिन कुमार पटेल, राष्ट्रवादी काँग्रेसचे नेते म्हैसधुने, भगूर मा.नगराध्यक्ष गोरख(नाना) बलकवडे, रा.काँ. नेते मस्के, दादासाहेब देशमुख, सेवानिवृत्त डि.वाय.एस.पी रमेश पवार, जेष्ठ नेते शिवाजी करंजकर, कृ.उ.बा. समिती संचालक तानाजी आबा करंजकर, भगुर नगरपरिषद उपनगराध्यक्ष प्रसाद आडके, नगरसेवक विशाल बलकवडे, दिपक बलकवडे, पवार, नगरसेविका सौ.विद्या ताई, लता थापेकर, जयश्री शिरसाट, अश्विनी भवार, मृत्यूंजय कापसे, रा.काँ. नेते अरुण कुंवर, श्रीराम कातकाडे, बांधकाम सभापती काकासाहेब देशमुख, सौ.जयश्री देशमुख आदी मान्यवर उपस्थित होते.

भगूर गावातील रहिवाशी व प्रतिष्ठित अनेक नागरिक अंबादास आडके, पंकज शेलार, मा.नगरसेवक बापु शेटे, बाळासाहेब कासार, नंदकिशोर गायकवाड, राजेंद्र शाह, दिगंबर ससाणे, मा.नगरसेवक किशोर कुंडारीया, संदिप कुंडारीया, केतन सोनवणे, तेजस गवारे, अंबादास देशमुख, लोया, निलेश हासे, फिटर मोजाड, प्रशांत कापसे यांनी या कार्यक्रमात सहभागी होऊन कार्यक्रमाची शोभा वाढवली. शेवटी आलेल्या सर्व मान्यवरांचे नगरसेवक दिपक बलकवडे यांनी आभार मानले.