लोककवी वामनदादा कर्डक यांच्या स्मारकाचे देशवंडीत रविवारी होणार भूमिपूजन!

दि.8 मार्च 2026 रोजी, रविवारी, सकाळी 11.30 वाजता सामाजिक न्याय मंत्री संजय शिरसाठ यांच्या हस्ते भूमिपूजन होणार..

पोलीस वार्ता, नाशिक : महाराष्ट्रातील थोर लोककवी वामनदादा कर्डक यांचे स्मारक सिन्नर तालुक्यातील मौजे देशवंडी येथे बांधण्यात येत असून या स्मारकाचे भूमिपूजन दि.8 मार्च 2026 रोजी, रविवारी, सकाळी 11.30 वाजता सामाजिक न्याय मंत्री संजय शिरसाठ यांच्या हस्ते होणार आहे.

या कार्यक्रमास केंद्रीय सामाजिक न्याय व अधिकारिता राज्यमंत्री रामदास आठवले, राज्याचे अन्न, नागरी पुरवठा व ग्राहक संरक्षण मंत्री छगन भुजबळ, जलसंपदा (विदर्भ, तापी व कोकण खोरे विकास महामंडळ) व आपत्ती व्यवस्थापन मंत्री गिरीष महाजन, शालेय शिक्षण मंत्री दादाजी भुसे, अन्न व औषध प्रशासन तसेच विशेष सहाय्य मंत्री नरहरी झिरवाळ, नगर विकास, परिवहन, सामाजिक न्याय, वैद्यकीय शिक्षण, अल्पसंख्याक विकास व औकाफ राज्यमंत्री माधुरी मिसाळ, महाराष्ट्र शासन विमुक्त जाती व भटक्या जमाती कल्याण समितीचे अध्यक्ष (राज्यमंत्री दर्जा) सुहास कांदे, ॲड. प्रकाश आंबेडकर यांच्यासह लोकप्रतिनिधी उपस्थित राहणार आहेत.

या स्मारकाच्या भूमिपूजन सोहळ्यास 8 मार्च 2026 रोजी जिल्ह्यातील नागरिकांनी मोठ्या संख्येने उपस्थित राहावे, असे आवाहन समाज कल्याण विभागाचे सहाय्यक आयुक्त देवीदास नांदगावकर यांनी केले आहे.