जिल्ह्यातील नगरपरिषदांच्या निवडणूकितील आरक्षण सोडत व यासारख्या कार्यक्रमांसाठी अधिकृत अधिकाऱ्यांची नेमणूक

शासनाच्या आदेश तरतुदींचे व नियमांचे पालन करून मुदतीत नागरिकांसमोर आरक्षण सोडत काढणार..

पोलीस वार्ता, नाशिक : महाराष्ट्र राज्य निवडणूक आयोगाचे सचिव यांच्याकडून 3 ऑक्टोबर 2025 रोजी नगरपरिषद व नगरपंचायत यांच्या सार्वत्रिक निवडणुकितील आरक्षण सोडत कार्यक्रम अधिकृतपणे जाहीर करण्यात आला आहे. या प्रारूप आरक्षणाची सोडत काढण्याचा कालावधी दि.8 ऑक्टोबर 2025 पर्यंत दिला असून यासाठी नाशिक जिल्ह्यातील नगरपरिषदेसाठी काही अधिकृत अधिकाऱ्यांची नेमणूक करण्यात आली आहे.

नेमलेले अधिकृत अधिकारी व मुख्याधिकारी संबंधित नगरपरिषदांनी 8 ऑक्टोबर 2025 रोजी, सकाळी 11 वाजता त्याच नगरपरिषदेच्या सभागृहात शासनाच्या आदेश तरतुदींचे व नियमांचे पालन करून मुदतीत नागरिकांसमोर आरक्षण सोडत काढणार आहे. यासंबंधी आदेश जिल्हाधिकारी जलज शर्मा यांनी दिले आहे.

नगरपरिषदेसाठी नेमलेले अधिकृत अधिकारी

1. येवला नगरपरिषद – उपविभागीय अधिकारी, येवला

2. मनमाड नगरपरिषद – उपजिल्हाधिकारी(भूसंपादन), ल.पा.नाशिक

3. सिन्नर नगरपरिषद – उपजिल्हाधिकारी(भूसंपादन) पाटबंधारे क्रमांक 1, नाशिक

4. ओझर नगरपरिषद – उपविभागीय अधिकारी, दिंडोरी

5. पिंपळगाव बसंवत नगरपरिषद – उपविभागीय अधिकारी, निफाड

6. इगतपुरी न‍गरपरिषद – उपजिल्हाधिकारी (भूसंपादन) क्रमांक 2, नाशिक

7. त्र्यंबक नगरपरिषद – उपविभागीय अधिकारी, ईगतपुरी – त्र्यंबकेश्वर

8. नांदगाव नगरपरिषद – उपविभागीय अधिकारी, मालेगाव

9. सटाणा नगरपरिषद – उपविभागीय अधिकारी, बागलाण

10. भगूर नगरपरिषद – उपजिल्हाधिकारी (भूसंपादन), वै.त.प्र, नाशिक

 11. चांदवड नगरपरिषद – उपविभागीय अधिकारी, चांदवड