भुसावळात इसमावर चाकू हल्ला; एक जखमी, उपचार सुरू

ब्रेकिंग न्यूज |
भुसावळ (ता. १९ एप्रिल) : शहरात रविवारी रात्री दहा वाजेच्या सुमारास एका इसमावर अज्ञात व्यक्तीने छातीत चाकूने वार केल्याची धक्कादायक घटना घडली. या हल्ल्यात इसम गंभीर जखमी झाला असून त्याला तात्काळ नातेवाईकांनी ग्रामीण रुग्णालयाच्या ट्रॉमा केअर सेंटरमध्ये उपचारासाठी दाखल केले आहे.
या घटनेमागील नेमके कारण अद्याप स्पष्ट झालेले नाही. घटनेची माहिती मिळताच बाजारपेठ पोलीस स्टेशनच्या गुन्हे शोध पथकाने तातडीने घटनास्थळी धाव घेतली असून पुढील तपास सुरू आहे.
शहरात घडलेल्या या घटनेमुळे परिसरात काही काळ तणावाचे वातावरण निर्माण झाले होते.