‘आंतरराष्ट्रीय महिला दिन’ उत्साहात साजरा! मुंबई नाका पोलीस ठाण्यात कर्तव्यदक्ष पोलीस कर्मचारी महिलांचा सन्मान!

वरिष्ठ पोलीस निरीक्षक श्री संतोष नरोटे साहेब यांनी कर्तबगार आणि कर्तुत्ववान पोलीस महिला कर्मचाऱ्यांचे पुष्पगुच्छ देऊन त्यांना सन्मानित केले..

पोलीस वार्ता, नाशिक : कामगार महिलांच्या हक्कांसाठी झालेल्या चळवळीतून निर्माण झालेला ‘हा’ दिवस! त्यांनी दिलेल्या लढ्याच्या स्मरणार्थ दरवर्षी, 8 मार्च ‘आंतरराष्ट्रीय/जागतिक महिला दिन’ म्हणून साजरा केला जातो. अर्थात स्त्रीत्वाचा उत्सव साजरा करण्याचा दिन, युनायटेड नेशन्सने 8 मार्च 1975 रोजी महिला दिन साजरा करण्याची सुरुवात केली होती. हा दिवस खास स्त्रियांच्या समान हक्कासाठी जागरुकता निर्माण करण्यासाठी साजरा होतो. यादिवशी जगभरात महिलांसाठी विविध सामाजिक संघटनांकडून कार्यक्रमांचं आयोजन केलं जातं, राजकारणापासून सामजिक, विज्ञान, कला, संस्कृती आणि इतरही विविध क्षेत्रांमध्ये उल्लेखनीय कामगिरी करणाऱ्या महिलांचा पुरस्कार देऊन सन्मान केला जातो.

नाशिक मधील मुंबई नाका पोलीस ठाणे येथे देखील ‘आंतरराष्ट्रीय महिला दिन’ 2025 मोठ्या उत्साहात साजरा करण्यात आला. यावेळी मुंबई नाका पोलीस ठाण्याचे वरिष्ठ पोलीस निरीक्षक श्री संतोष नरोटे साहेब यांनी कर्तबगार आणि कर्तुत्ववान आपल्या कुटुंबाची जबाबदारी सांभाळून पोलीस खात्यातील नोकरी व कर्तव्य पार पाडत असलेल्या धाडसी महिलांचे पुष्पगुच्छ देऊन त्यांचा सन्मान केला. तसेच आयुष्यात नेहमी सकारात्मक राहून यशस्वी व्हा! अश्या शुभेच्छा दिल्या!

यावेळी महिला पोलीस हवालदार सीमा अहिरे, आम्रपाली पगारे, मॅडम ओरिसा, अमलदार मनीषा सोनवणे, होमगार्ड अधिकारी रमेश कळमकर, माधुरी दिवे, निर्मला साळवे, भाग्यश्री आव्हाड, विनिता सूरदास महाजन, कोमल स्मिता बोर्डे, प्राची आढाव, सुवर्ण लिलके, अश्विनी ढवळे, मनीषा वाघ इत्यादी महिला उपस्थित होत्या.

✍️पोलीस वार्ता, प्रतिनिधी: गौतम जाधव, नाशिक, संपर्क: 9922838959