हिवाळी अधिवेशनाच्या तिसऱ्या दिवशी महाविकास आघाडीचे शेतीच्या विविध मागण्यांसाठी आंदोलन!

हिवाळी अधिवेशनात आमदार संजय देरकर यांनी चक्क शेतातील कपासीचे झाड घेवून शेतकऱ्यांच्या न्यायासाठी उठाव केला.

पोलीस वार्ता, वणी | नागपूर येथे राज्याचे हिवाळी अधिवेशन 2024 चालू असून विरोधकांकडून सरकारला विविध प्रश्नावर घेतल्या जात आहे. आज दि.18 डिसेंबर अधिवेशनाचा तिसरा दिवस असून सभागृहाच्या पायऱ्यांवर महाविकास आघाडीकडून शेतकऱ्यांच्या मालाला हमीभाव अधिक 50% नफा घोषित करण्यात यावा या मागणी करता आंदोलन करण्यात आले. या आंदोलनात वणी विधानसभेचे लोकप्रिय आमदार संजय देरकर यांनी चक्क शेतातील कपासीचे झाड घेवून शेतकऱ्यांच्या न्यायासाठी उठाव केला. यामुळे शेतकऱ्यांमध्ये आ.देरकरांच्या भूमिकेचे कौतुक केले जात आहे.

मागील दहा वर्षात केंद्रात व राज्यात डबल इंजनची सरकार असून देखील भाजप सरकार ने दिलेले, “शेत मालाला हमीभाव अधिक 50% नफा’ हे आश्वासन पूर्ण केलेले नाही.

तसेच शेतकऱ्यांना न कर्ज माफी केली, न शेतमालाला योग्य हमीभाव दिला जात आहे. सध्या शेतकऱ्यांचा लागत खर्च देखील निघत नसल्याने त्यांच्या मुद्दलमध्ये तोटा निर्माण होत आहे. असे असताना शेतकऱ्यांच्या कष्टाचे मूल्य सरकार ठरवू शकत नाही आहे. हे सरकार शेतकरी विरोधी धोरण आखून शेती हा व्यवसाय नष्ट करू पाहत आहे. परंतु हे सरकारचे मनसुबे पूर्ण होणार नाही. असा सूर विरोधी पक्षाकडून निघत आहे.

आज हिवाळी अधिवेशनाचा तिसरा दिवस या निमित्ताने महाविकास आघाडीचे सर्व पक्षांची गटनेते विद्यमान आमदार यांनी विधानभवनाच्या पायरीवर हमीभाव मिळालाच पाहिजे, कर्ज माफी झालीचं पाहिजेत, शेतकऱ्याना शेती पंपासाठी पूर्णवेळ विज मिळालीच पाहिजेत, यासाठी लक्षणिक आंदोलन केले. त्यानिमित्ताने विधानसभेतील सर्व महाविकास आघाडीचे आमदार व नेते मंडळी उपस्थित होते. वणी विधानसभेतील आमदार संजय देरकर हे सुद्धा या आंदोलनात सहभागी होते त्यांनी कपासीचे बोंडे भरलेले झाडच विधी मंडळात पोहचविण्याचे शेतकऱ्यांसाठी झटणारा एकमेव आमदार म्हणून त्यांचे वणी विधानसभा क्षेत्रातील शेतकऱ्यांमध्ये चर्चा होत आहे.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532