परभणी (प्रतिनिधी) – जागतिक महिला दिनानिमित्त लोक स्वातंत्र्य पत्रकार महासंघ व माता रमाबाई आंबेडकर शिक्षण प्रसारक मंडळ यांच्या संयुक्त विद्यमाने विविध क्षेत्रात उल्लेखनीय कार्य करणाऱ्या महिलांचा सन्मान सोहळा पार पडला. परभणी महानगरपालिकेचे महापौर सय्यद इकबाल यांच्या हस्ते सन्मानपत्र देऊन महिलांचा गौरव करण्यात आला.
हा कार्यक्रम ८ मार्च रोजी डॉ. आंबेडकर नगर, आयटीआय कॉर्नर, जिंतूर रोड येथील लोक स्वातंत्र्य पत्रकार महासंघ जिल्हा कार्यालयात झाला. कार्यक्रमाच्या अध्यक्षस्थानी भगीरथ बद्दर होते. यावेळी राणी चोपडे, सुनिता वाव्हळे, लक्ष्मी सोनटक्के, करुणा पंडित, महानंदा केंद्रे, चंद्रकलाबाई कुटे, ललिता शिरसाठ आदी महिलांचा सन्मान करण्यात आला. कार्यक्रमास विविध क्षेत्रातील मान्यवर व पत्रकार उपस्थित होते.
