लासलगाव-पाटोदा या मुख्य रस्त्याला परिसरातील अनेक गावे जोडली जातात. लासलगाव मुख्य बाजार पेठेतील पुलाचे काम सुरू आहे..
पोलीस वार्ता, नाशिक : जिल्ह्यातील ग्रामीण भागातील कांद्याचे मुख्य बाजारपेठ असलेल्या लासलगाव-पाटोदा या मुख्य रस्त्याला परिसरातील अनेक गावे जोडली जातात. लासलगाव मुख्य बाजार पेठेतील पुलाचे काम सुरू असून या पुलाचे काम दोन महिन्यात पूर्ण करण्यात यावे, अशा सूचना राज्याचे अन्न,नागरी पुरवठा व ग्राहक संरक्षण मंत्री छगन भुजबळ यांनी संबंधित अधिकाऱ्यांना पाहणी वेळी दिल्या.
लासलगाव मुख्यबाजार पेठेत 4.50 कोटी निधीतून पुलाचे काम करण्यात येत आहे. या सुरू असलेल्या कामाची दि. 22 जून रोजी मंत्री भुजबळ यांनी पाहणी केली.
यावेळी सार्वजनिक बांधकाम विभागाचे उपअभियंता पी.आर.घोडे, अभियंता संकेत चौधरी यांच्यासह अधिकारी व पदाधिकारी उपस्थित होते.
लासलगाव बाजारपेठेतील पुलाच्या कामाला पुढे साठलेल्या बंधाऱ्याच्या पाण्यामुळे कामास अडथळा येत आहे. याबाबत तातडीने या बंधाऱ्याचे द्वार उघडून द्यावे, अशी सूचना तहसीलदार विशाल नाईकवाडी व संबंधित अधिकाऱ्यांना केली. तसेच पाटोदा रस्त्यावरील हा पूल अनेक गावांना जोडणारा आहे. त्यामुळे येथील वाहतूक सुरळीत होण्यासाठी दोन महिन्याच्या आत या पुलाचे काम पूर्ण करण्यात यावे, अशा सूचना मंत्री भुजबळ यांनी संबंधित अधिकाऱ्यांना केल्या.
-
शिवनदी संवर्धनाच्या कामाला तातडीने कार्यारंभ आदेश द्यावा..
