वणीत बस स्थानकात विद्यार्थ्यांचे मोबाईल चोरी, पोलिसांनी कारवाई करत एका तासात मोबाईल मिळवून दिले

वणी पोलिसांनी गोपनीय सूत्रांच्या माहितीवरून चोरी केलेले मोबाईल फोन व चोरटे यांना एक तासाच्या आत शोधून काढले

पोलीस वार्ता, यवतमाळ : तालुका वणी येथील बस स्थानकात बस प्रवास करत असताना, बस मध्ये चढताना गर्दीचा फायदा घेत चोरट्यांनी दोन मोबाईल फोन चोरले अशी माहिती वणी पोलीस ठाण्यात दोन विद्यार्थ्यांकडून देण्यात आली होती.

त्यानुसार, वणी पोलीस ठाण्याचे पोलीस निरीक्षक श्री गोपाल उंबरकर साहेब यांच्या आदेशान्वये, पो. हेड कॉन्स्टेबल पाटील व पो. कॉन्स्टेबल ललित नवघरे यांनी घटनास्थळी भेट देऊन, त्यांच्या गोपनीय सूत्रांच्या माहितीवरून चोरी केलेले मोबाईल फोन व चोरटे यांना एक तासाच्या आत शोधून काढले.

फिर्यादी हे विद्यार्थी असून त्यांना शालेय फॉर्म भरण्याकामी पुढे जायचे होते त्यामुळे वेळ नसल्याचे त्यांनी विनंती केली होती या कारणामुळे त्यांनी रितसर पोलीस तक्रार केली नाही.

पोलिसांनी त्यांची अडचण समजून त्यांच्या माहितीच्या आधारे तपास सुरू केला. व सहकार्य दाखवले. आरोपींकडून 2 मोबाईल हस्तगत करून, फिर्यादी आकाश विशाल भोयर (वय 21) रा.वणी आणि एक विद्यार्थिंनी अश्या दोंघाना परत मिळवून दिले आहे. विद्यार्थ्यांनी पोलिसांच्या कामगिरीचे कौतुक केले असून, यामुळे पोलीस प्रशासनावरील विश्वास आणखीन घट्ट झाला आहे.

✍️पोलीस वार्ता, प्रतिनिधी: नरेश ठाकरे, (वणी) यवतमाळ, संपर्क: 9588664532