इंस्टाग्रामवर मैत्री करून एआय फोटोने मुलींचा लैगिंक छळ करणारा विकृत मुंबई पोलिसांच्या ताब्यात!

पोलिसांनी फेसबुक, इन्स्टाग्राम आणि गुगलकडून माहिती मिळवली व त्या आधार IP ॲड्रेस शोधून आरोपीला कर्नाटक राज्यातून अटक केली..

पोलीस वार्ता, ठाणे : सोशल मीडिया इन्स्टाग्रामवर महिला, मुलींसोबत ओळख वाढवून मैत्री करून नंतर त्यांना ब्लॅकमेल करून त्यांचा लैंगिक छळ करणाऱ्या विकृत आरोपीला दहिसर पोलिसांनी अटक केली आहे. या आरोपीचे नाव मनोज प्रसाद सिंग असून हा AI तंत्रज्ञानाच्या मदतीने महिलांचे अश्लील फोटो तयार करून त्यांना ब्लॅकमेल करायचा, त्यांच्याशी अश्लील संभाषण, न्यूड व्हिडिओ कॉल करण्यास दबाव टाकायचा, पोलिसांना या आरोपीच्या मोबाइलमध्ये तब्बल 13,500 पेक्षा अधिक मुलींचे फोटो आणि व्हिडिओ आढळले आहे. दहिसर पोलीस ठाण्याचे वरिष्ठ पोलीस निरीक्षक अशोक होनमाने यांनी पुढील तपासाच्या सूचना दिल्या आहे.

पोलिसांना मिळालेल्या शेकडो मुलींच्या सोशल मीडियावरील या लैंगिक छळ तक्रारींनंतर पोलिसांनी कर्नाटक येथील बेल्लारी जिल्ह्यातील सांदूर येथून आरोपी मनोज प्रसाद सिंग याला ताब्यात घेतले. आरोपी मनोज सुरक्षारक्षक म्हणून काम करत असल्याचे कळले आहे.

एका 19 वर्षीय तरुणीने दिलेल्या लैंगिक छळाच्या तक्रारीनंतर पोलिसांकडून तपासाला गती मिळाली. आरोपीने या तरुणींच्या नावाने बनावट इन्स्टाग्राम अकाऊंट तयार केले होते आणि त्या अकाऊंटवरून तो अश्लील मजकूर आणि स्टोरीज पोस्ट करायचा, ज्यामुळे पीडित तरुणीची बदनामी होत होती. याच प्रकारे आरोपी ज्या मुली त्याला नकार देत होत्या त्यांना बनावट खात्यांवरून अश्लील फोटो आणि बदनामीहोईल असे मजकूर पोस्ट करत होता.

या आरोपीचा शोध घेत असताना पोलिसांनी फेसबुक, इन्स्टाग्राम आणि गुगलकडून माहिती मिळवली व त्या आधार IP अॅड्रेस शोधून आरोपीला कर्नाटक राज्यातून अटक केली. आरोपी मनोज याने दिल्लीमधून संगणकाचे

ज्ञान प्रशिक्षण घेतले असून तो याचा वाईट हेतूने गैरवापर करत होता. तपासात समजले की, तो 100 हून अधिक मुलींशी इन्स्टाग्रामवर संवाद साधत करत होता. दहिसर पोलीस प्रकरणाचा अधिक तपास करत आहे.

✍️पोलीस वार्ता प्रतिनिधी: दिनेश पाटील, ठाणे, संपर्क: 8097983334